Cambrai
Cambrai | |||
---|---|---|---|
Frantziako udalerria | |||
Irudi gehiago | |||
Administrazioa | |||
Estatu burujabe | Frantzia | ||
Frantziaren banaketa administratiboa | Metropolitar Frantzia | ||
Eskualdea | Frantzia Garaia | ||
Departamendua | Nord | ||
Barruti | Cambraiko barrutia | ||
Kantonamendu | canton of Cambrai-Est | ||
Alkatea | François-Xavier Villain | ||
Izen ofiziala | Cambrai | ||
Posta kodea | 59400 | ||
Geografia | |||
Koordenatuak | 50°10′33″N 3°14′05″E / 50.1758°N 3.2347°E / 50.1758; 3.2347 | ||
Azalera | 18.18 km² | ||
Altuera | 60 m | ||
Mugakideak | Ramillies, Tilloy-lez-Cambrai, Awoingt, Cauroir, Escaudœuvres, Fontaine-Notre-Dame, Neuville-Saint-Rémy, Niergnies, Proville, Raillencourt-Sainte-Olle eta Rumilly-en-Cambrésis | ||
Demografia | |||
Biztanleria | 31.425 (2021eko urtarrilaren 1a) −134 (2020) | ||
Dentsitatea | 1.728,55 bizt/km² | ||
Informazio gehigarria | |||
Ordu eremua | UTC+01:00 eta UTC+02:00 | ||
Hiri senidetuak | Esztergom, Kamp-Lintfort eta Gravesend (en) | ||
villedecambrai.com |
Cambrai[1] (frantsesez kɑ̃bʁɛ ahoskatua; nederlanderaz: Kamerijk; alemanez: Kamerich; lehen Cambray) Frantzia iparraldeko herria da, Belgikako mugatik oso gertu. Nord departamentuan dago, Frantzia Garaia eskualdean. Eskalda ibaia herritik igarotzen da. Lille, Douai eta Valenciennes dira gertu dituen herrietako batzuk. Herriak 18,12 kilometro karratuko hedadura du eta, 1999ko erroldaren arabera, bere biztanleria 33.716 biztanlekoa da.
Klima
Datu klimatikoak (Cambrai) | |||||||||||||
---|---|---|---|---|---|---|---|---|---|---|---|---|---|
Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
Batez besteko tenperatura maximoa (°C) | 6 | 7 | 11 | 14 | 18 | 21 | 23 | 23 | 19 | 14 | 9 | 5 | 14.2 |
Batez besteko tenperatura minimoa (°C) | 0 | 0 | 2 | 4 | 8 | 11 | 13 | 13 | 11 | 7 | 3 | 1 | 6.1 |
Pilatutako prezipitazioa (mm) | 46 | 41 | 53 | 48 | 46 | 71 | 74 | 66 | 56 | 71 | 61 | 66 | 698.5 |
Iturria: Weatherbase [2] |
Historia
Herri honen jatorria Erromatar Inperioaren garaian bertan zen Camaracum herri galiarrean dago. V. mendean (445-509), Klovis I.ak suntsitu zuen erresuma franko baten hiriburu izan zen. Espainiako koroaren mendean egon ondoren, Frantziaren hiria da 1678az gero (Nimegako itunak). 1914 eta 1918. urteen artean alemaniarren eskuetan egon zen.[3]
Bertan Luisa Savoiakoak, Frantzisko I.aren amak, eta Margarita Austriakoak, Karlos V.aren izebak, semearen eta ilobaren izenean 1529an izenpetu zuten Cambraiko Bakea edo Damen Bakea izeneko hitzarmena.
Demografia
|
Ondasun nabarmenak
- Cambraiko katedral zaharra. 1150an hasi ziren eraikitzen, eta 1472an amaitu zuten. Frantziako Iraultzaren garaian, amaitua izan eta 317 urtera, deuseztatua geratu zen. Urte batzuk geroago, 1804an, Cambraiko Artzapezpiku berriak, Hilobi Santuaren Abatetxeko Eliza Zaharra aukeratu zuen katedral bezala.
- Saint Géry katedrala. Herriko monumentu zaharrenetarikoa da. Aurkikuntza arkeologikoek, galiar-erromatar garaiko arrastoak argitara eman dituzte bertan.
- Fénelonen monumentua
Jakiak
Oso ezagunak dira "tontakeriak" izeneko gozoki batzuk, frantsesez, bêtises de Cambrai. Afchain gozokidendak sortu zituen, 1830an. Karameluz eta mendaz eginiko gozokiak dira.
Herritar ezagunak
- Guillaume Dufay (1397-1474), musikagilea.
- Fénelon (1651-1715), idazle, teologo eta Cambraiko artzapezpikua.
- Charles François Dumouriez (1739-1823), jenerala.
- Charles Cordier (1827-1905), eskultorea.
- Louis Blériot (1872-1936), hegazkinlaria.
- Henri de Lubac (1896-1991), jesuita eta teologoa.
- Julien Torma (1902-1933), idazle eta poeta.
- René Dumont (1904-2001), ingeniari eta soziologo.
- Maurice Godelier (1934), filosofo eta antropologo neomarxista.
- Marie-Georges Pascal (1946-1985), aktorea
Herri eta hiri senidetuak
- Houma - Louisiana, Estatu Batuak
- Châteauguay - Quebec, Kanada
- Kamp-Lintfort - Alemania
- Esztergom - Hungaria
- Gravesend - Kent - Erresuma Batua[4]
Erreferentziak
- ↑ Euskaltzaindia. 157. araua: Europako hiriak. .
- ↑ Weatherbase.com. .
- ↑ Lur entziklopedietatik hartua.
- ↑ British towns twinned with French towns [via WaybackMachine.com. ] in: Archant Community Media Ltd..
Kanpo estekak
- Webgune ofiziala (Frantsesez)
- Datuak: Q181285
- Multimedia: Cambrai / Q181285